O persoal do sector público vén manifestando o seu máis rotundo rexeitamento aos recortes que o PP pretende impor a través da Lei de Medidas no Emprego Público. Os empregados e empregadas deste sector entenden que estas medidas supoñen un grave retroceso nos seus dereitos laborais e sociais, cuestionan a súa imaxe e a súa dignidade, desvalorizan á propia administración pública e provocarán unha mingua na calidade dos servizos. Por iso convocaron, para este xoves, concentracións e manifestacións en todas as cidades, ás 19:00 horas, ás que chaman a participar a todas as galegas e galegos en defensa do Sector Público.
Con estas mobilizacións, convocadas por todas as organizacións sindicais, CIG, CCOO, UGT, CSI-F, FEP-USO, SATSE, SAE, CGT e STAJ, o sector público pretende denunciar as políticas de recorte do PP, que teñen como único obxectivo facer pagar a crise ao persoal da administración pública, adelgazar a administración e reducir servizos, o que terá consecuencias negativas na súa calidade.
As organizacións convocantes fan un chamamento a participar masivamente nestas concentracións e manifestacións que terán lugar en:
Ferrol: Ás 19:00 horas, na Praza de España
Pontevedra: Ás 19:00 horas, na Praza da Peregrina
A Coruña: Ás 19:00 horas, na Praza de Ourense
Compostela: Ás 19:00 horas, na Praza do Toural
Lugo: Ás 19:00 horas, A Muralla, Edificio Administrativo
As organizacións sindicais pídenlle ao Goberno galego que escoite as demandas o persoal e retire o anteproxecto de lei
Miles de traballadores e traballadoras do sector público galego volveron manifestar este xoves o seu rexeitamento ao Anteproxecto de Lei de Medidas no Emprego Público con concentracións simultáneas nos distintos centros de traballo de todo o País. Mentres o Consello da Xunta abordaba a aprobación do proxecto de lei, dende as organizacións sindicais convocantes (CIG, CCOO, UGT e CSI-F) demandaron do Goberno galego a retirada do mesmo e a apertura de ámbitos de negociacións real non baseados na imposición, no recorte de dereitos sociais e económicos do persoal nin no desmantelamento dos servizos públicos.
O secretariado confederal acordou a data da mobilización contra a nova reforma laboral do PP
O Secretariado Confederal da CIG, reunido este venres, día 17 de febreiro, acordou fixar a data da convocatoria de folga xeral para o día 29 de marzo. Así o comunicou o secretario xeral, Suso Seixo, quen explicou que para tomar esta decisión tívose en conta que durante o mes de marzo entrarán a debate, no Congreso, a reforma laboral e os Orzamentos Xerais do Estado e que para esa mesma data, tamén convocou folga xeral a maioría sindical vasca.
Exixiron, tanto na Mesa, como na concentración, a inmediata retirada do anteproxecto co que o PP pretende recortar as súas condicións laborais e salariais
Centos de empregados/as públicos/as participaron este venres na concentración convocada ante a Escola Galega de Administración Pública, coincidindo coa celebración da Mesa Xeral da Función Pública. Tanto as persoas concentradas, como os representantes sindicais que participaban na Mesa exixiron a retirada do “Anteproxecto de medidas no emprego público na Xunta de Galiza”. Denuncia que se trata dunha proposta que se limita a introducir recortes nas condicións laborais e salariais dos empregados e empregadas do sector público.
A concentración, que volveu contar cunha importante participación de traballadoras e traballadores do sector público, converteuse nunha demostración do profundo rexeitamento que provocan as medidas que o PP pretende aplicar e que consideran que deteriorarán gravemente as súas condicións laborais e salariais.
Como nas anteriores reunións, o persoal
concentrouse ás portas do local onde se desenvolvía a negociación, nunha das
manifestacións máis numerosas das convocadas até o de agora. Esta concentración
insírese na campaña de mobilizacións que as traballadoras e traballadores de
Clece veñen protagonizando desde que se soubo da intención da Universidade de
Santiago de recortar o orzamento da contrata nun 15% e a da empresa
concesionaria de repercutilo aos traballadores/as[…]
No caso da Coruña, explicaba durante a concentración o Secretario Nacional da Federación, Clodomiro Montero, o ERE afectaría ao persoal adscrito a Servizos Centrais, máis os datos desagregados non foron aínda facilitados pola empresa á representación do persoal. Porén, matizou, non só perigan estes 775 empregos, senón que, a raíz da reforma do sistema financeiro aprobada polo Goberno español, “o que está en xogo é o propio futuro de Novagalicia[…]
A comparsa estaba capitaneada polo presidente da
Xunta, Núñez Feijóo, guitarra en man, co hábito de monxe, guía
espiritual do equipo e “interino de corazón”, tal e como rezaba
no cartaz que levaba colgado. Acompañábao o seu segundo, Alfonso
Rueda, conselleiro de Presidencia, preso da crise, que ía tomando
nota dos traballadores/as "ociosos" e buscando onde máis
poder recortar. Este levaba un cartel no que se podía ler “Alfonso
Rueda,[…]
{youtube}Pakd8o9HzdM{/youtube}O mércores de cinxa, Rajoy, Feijoo, Urdangarín e o séquito popular decidiron, por sorpresa, visitar as delegacións da Xunta de Galiza en Ourense con música de igresa para facer o enterro dos servizos públicos. Coa retranca propia destas datas as delegadas e delegados da CIG-Autonómica denunciamos os contínuos recorte de Feijoo ás empregadas e empregados públicos e, por extensión, dos propios servizos públicos que prestamos todas e todos nós.
{youtube}kUvuCruzUKw{/youtube}Hoxe, martes de entroido, a comparsa da CIG-Autonómica “pres@s da crise” recorreu, por sorpresa, o complexo administrativo de San Caetano coa canción "Freijolito quere recortar". Con música festeira propia do entroido e unha letra retranqueira, denunciaban os continúos recortes de Feijoo ante os que nos asegura que “non hai elección”. Descarga a letra
Comunícase que con data 2-3-2012 publicarase no BOE a adxudicación de destinos dos aspirantes ao Corpo de Xestión Procesual e Administrativa, quenda libre, nas oposicións convocadas por Orden JUS/1654/2010, de 31 de maio.Adxudicacións Territorio Ministerio.
